ГОВЬСҮМБЭР АЙМАГТ 2021 ОНЫ ЭХНИЙ 6 ДУГААР САРД  БҮРТГЭГДСЭН

 ГЭМТ ХЭРЭГ, ЗӨРЧЛИЙН НӨХЦӨЛ БАЙДАЛ

1.Бүртгэгдсэн гомдол мэдээлэл

Говьсүмбэр аймаг дахь Цагдаагийн хэлтэст иргэд, хуулийн этгээдээс 599 гомдол мэдээлэл хүлээн авч шалгаснаас 153 буюу 25.5  хувь нь гэмт хэргийн шинжтэй, 446  буюу 74.5 хувь нь зөрчлийн шинжтэй гомдол мэдээлэл байна. Бүртгэгдсэн гомдол мэдээллийг өмнөх оны мөн үетэй харьцуулахад хүлээн авсан нийт гомдол мэдээлэл 141-ээр буюу 30.8 хувиар өссөн. Үүнээс гэмт хэргийн гомдол мэдээлэл 34-өөр буюу 18 хувиар буурч, зөрчлийн гомдол мэдээлэл 175-аар буюу 64.5 хувиар өссөн үзүүлэлттэй байна. Нийт 599 гомдол  мэдээлэл хүлээн авч, нэгдсэн санд бүртгэж, шалгаснаас 588 буюу 96.2 хувийг нь  шийдвэрлэжээ.

             Гэмт хэргийн шинжтэй 153 гомдол хүлээн авснаас 143 буюу 93.4 хувийг шийдвэрлэсэн. Гэмт хэргийн гомдол мэдээллийн 33 буюу 23 хувийг 5 хоногт, 6-19 хоногт 110 буюу 77 хувийг  шалган шийдвэрлэж одоо үлдэгдэл 10 гомдлын үйлдэгдэлтэй байна.

Зөрчлийн шинжтэй нийт 446 гомдол мэдээллийг хүлээн авч шалгаснаас 445 буюу 99.7 хувийг нь шийдвэрлэж 1 гомдлын үлдэгдэлтэй байна. Зөрчлийн шинжтэй гомдол мэдээллийн 434 буюу 97.5 хувийг 5 хоногийн хугацаанд шийдвэрлэсэн байна.

2.Бүртгэгдсэн гэмт хэрэг

                             Энэ оны эхний хагас жилийн байдлаар нийт 68  гэмт хэрэг бүртгэгдсэн нь урд оны мөн үеэс 18-өөр буюу 20.9 хувиар буурсан үзүүлэлттэй байна.  Хүнд гэмт хэрэг 7 бүртгэгдсэн нь урд оны мөн үеэс 3-аар буюу 30 хувиар, хөнгөн гэмт хэрэг 61 бүртгэгдсэн нь 7-оор буюу 19.7 хувиар тус тус буурсан.

                             Эхний хагас жилийн байдлаар хэрэг бүртгэлтийн /эзэн холбогдогч нь тогтоогдоогүй 27 гэмт хэрэг бүртгэгдсэнээс 14 хэргийн эзэн холбогдогчийг олж яллагдагчаар татаж гэмт хэргийн илрүүлэлт 51.9 хувьтай байгаа нь өмнөх оны мөн үеэс 1.9 хувиар өссөн үзүүлэлттэй байна.

Бүртгэгдсэн нийт гэмт хэрэг /сумдаар/

                 Бүртгэгдсэн тодорхой төрлийн гэмт хэрэг /ЭХ-ийн бүлгээр/

Гэмт хэрэг үйлдэгдсэн цаг, гараг

Гэмт хэрэг үйлдэгдсэн газар

 Гэмт хэрэгт холбогдогч

    Гэмт хэрэгт 57 хүн холбогдон шалгагдсан нь өмнөх оны мөн үетэй харьцуулахад

15-аар буюу 20.8 хувиар буурсан байна.

                  Гэмт хэрэгт холбогдогсдын нас, нийгмийн байдал

Гэмт хэргийн хохирогч, хохирол

Гэмт хэрэг үйлдэгдсэн байдал

Гурав: Зөрчил

Нийт 8049 зөрчил бүртгэгдсэн нь өмнөх оны мөн үетэй харьцуулахад 1235  буюу 13.3 хувь буурсан үзүүлэлттэй байна. Нийт 7857 иргэнийг 288016.4 төгрөгөөр торгож 78 иргэнийг баривчлуулж, 101 жолоочийн тээврийн хэрэгсэл жолоодох эрхийг хасчээ.

Зөрчил үйлдэгдсэн цаг, гараг

Зөрчил үйлдэгдсэн газар

Зөрчил үйлдэгдсэн онцлогоор:

Согтууруулах ундаа хэтрүүлэн хэрэглэсэн, зөрчилд холбогдсон нийт 343 хүнийг эрүүлжүүлсэн нь урд оны мөн үеэс 17-оор буюу 5.2 хувиар өссөн үзүүлэлттэй байна.  

Эрүүлжүүлэгдсэн хүмүүсээс эмэгтэй-15, төрийн алба хаагч-4, хувийн хэвшлийн байгууллагад ажиллагч-5, хувиараа хөдөлмөр эрхлэгч-12, ажилчин малчин-39, оюутан-1, ажилгүй-264, бусад-17 хүн байна.

Эрүүлжүүлсэн шалтгаанаар ангилбал:согтууруулах ундааны зүйл хэтрүүлэн хэрэглэсэн үедээ бусдын амгалан тайван байдал алдагдуулсан-21, согтууруулах ундааны зүйл хэрэглэсэн үедээ тээврийн хэрэгсэл жолоодож гэмт хэрэг, зөрчил холбогдсон-50, согтууруулах ундаа хэрэглэсний улмаас хаана байгаагаа болон очих газраа мэдэхгүй болсон-17, согтууруулах ундааны зүйл хэрэглэсэн үедээ гэмт хэрэг, зөрчилд холбогдсон-98, гэмт хэрэг зөрчилд өртөж болзошгүй 143, гэр бүлийн хүчирхийллийн улмаас 14 хүнийг эрүүлжүүлсэн байна.

Дөрөв:Дүгнэлт

    1.Гэмт хэрэг урд оны мөн үеэс 18-аар буюу 20.9 хувиар буурсан нь гэмт хэргээс урьдчилан сэргийлэх нэгдсэн, хэсэгчилсэн арга хэмжээ, эргүүл, постуудыг оновчтой цаг хугацаанд үр дүнтэй арга хэлбэрээр зохион байгуулсантай холбоотой байна. Мөн золгүй байдлаар нас барсан гомдол мэдээлэлд хэрэг нээн шалгаж байсныг энэ оноос гомдол мэдээллийг хэрэг бүртгэлтийн хэрэг нээхээс татгалзах саналтай прокурорт хүргүүлж шийдвэрлэсэн нь нөлөөлсөн байна.

          2. Нийт гэмт хэргийн 62.8 хувийг хүний эрүүл мэндийн халдашгүй байдлын эсрэг гэмт хэрэг, 28 хувийг өмчлөх эрхийн эсрэг гэмт хэрэг, 6.9 хувийг олон нийтийн аюулгүй байдал, ашиг сонирхлын эсрэг гэмт хэрэг, нийт зөрчлийн 98 хувийг замын хөдөлгөөний аюулгүй байдлын дүрэм зөрчсөн зөрчлүүд эзэлж байна. Гэр бүлийн хүчирхийллийн улмаас үйлдэгдсэн гэмт хэрэг 38.4 хувиар буурч хүүхэд оролцсон гэмт хэрэг бүртгэгдээгүй.

         3.Гэмт хэргийн хохирлын 84.4 хувийг нөхөн төлүүлж, хохирол нөхөн төлүүлэлтийн хувь өссөн нь гомдлоос шууд эрүүгийн хэрэг үүсгэн мөрдөн байцаалтын хэргийн дугаар авснаар яллагдагчаар татах ажиллагаа хурдан шуурхай болж хохирол нөхөн төлүүлэлтийн үйл ажиллагаанд эерэг үр дүн гарсан байна.

         4. Ковид 19 цар тахлын үед хорио цээрийн  дэглэмийг сахиулах ажлын хүрээнд  орон нутгийн замд хөдөлгөөний хязгаарлалтыг тогтоосон нь аймаг дамжин мал хулгайлах гэмт хэрэг үйлддэг бүлэг бөөгнөрөл, иргэдийн урсгал хөдөлгөөнд нөлөөлж  энэ төрлийн гэмт хэрэг бүртгэгдээгүй эерэг үзүүлэлт болсон.

         5. Согтууруулах ундааны зохисгүй хэрэглээтэй холбоотойгоор согтуугаар үйлдэгдсэн гэмт хэрэг урд оны мөн үеэс 50 хувиар, хүний эрүүл мэндийн эсрэг гэмт хэрэг урд оны мөн үеэс 40 хувиар өссөн нь анхаарал татаж байна.

                                                                   Тав: Санал                    

1. Хүний эрүүл мэндийн эсрэг гэмт хэргийг бууруулах, гэр бүл, найз нөхөд, хамт олны дундах ахуйн хүрээний архидалтыг багасгах, хууль бусаар гар дээрээс архи согтууруулах ундаа худалдах зөрчлийг илрүүлэх, согтууруулах ундаа худалдах, түүгээр үйлчлэх аж ахуйн нэгжийн үйл ажиллагаанд хяналт тавих ажлыг эрчимжүүлж хууль зөрчигчдөд хариуцлага тооцох, долоо хоногийн 1 өдрийг согтууруулах ундаа худалдахгүй үйлчлэхгүй өдөр болгох, архидан согтуурахаас урьдчилан сэргийлэх ухуулга нөлөөллийн арга хэмжээ зохион байгуулах
2. Цаг үеийн нөхцөл байдалтай холбогдуулан гэмт хэрэг, зөрчлөөс урьдчилан сэргийлэх нөлөөллийн арга хэмжээг хэвлэл мэдээллийн хэрэгсэл, олон нийтийн сүлжээгээр тасралтгүй зохион байгуулах
3. Гэмт хэрэг, зөрчилтэй тэмцэх ажилд шинэлэг техник технологийг нэвтрүүлэх, камержуулалтыг сайжруулах нь гэмт хэргийн илрүүлэлтэнд нөлөөлөхөөр байна.

ГОВЬСҮМБЭР АЙМАГ ДАХЬ ЦАГДААГИЙН ХЭЛТЭС